Susana Lagüela López

Breve CV

Enxeñeira de Minas pola Universidade de Vigo en 2009. Doutora con Mención Internacional pola Universidade de Vigo en 2014. Ambas as titulacións con Mención Extraordinaria. Está acreditada ao corpo de Axudantes Doutores. Impartiu docencia universitaria desde 2012. Os seus intereses de investigación son: termografía infravermella, escaneado láser, eficiencia enerxética e xestión de auga. É coautora de máis de 20 publicacións (artigos, traballos en congresos, capítulos, libros, documentos científico-técnico restrinxidos), participante en máis de 12 proxectos de investigación/contratos con empresas. É coautora de 2 patentes e modelos de utilidade. Realizou 3 estancias de investigación no estranxeiro: UC Berkeley (EEUU), ITC-CNR Sede de Padua (Italia), ETH Zúric (Suíza). Dirixiu 3 Proxectos Fin de Carreira. Recibiu o Premio Under 25 Ermanno Grinzato do Congreso AITA2013 e o Premio a Mozos Investigadores, Novas Tecnoloxías da Deputación de Pontevedra de 2011.