Planificación para matrícula parcial
A matrícula do mestrado pode ser completa ou parcial. O estudantado a tempo completo deberá matricularse dos 60 créditos ECTS que compoñen o mestrado e que será necesario superar para a obtención do título universitario correspondente.
A aqueles estudantes con necesidades especiais ou que, debido ás súas circunstancias persoais, requiran cursar estudos a tempo parcial, ofrécese a matrícula parcial; o estudantado que se atope neste caso poderá elixir materias pertencentes aos módulos 1, 2 ou 3, incluíndo as prácticas en empresa do módulo 4, para ser cursados ao longo de todo o curso académico, respectando sen embargo a planificación docente e o seu deseño temporal:
- Os 30 primeiros créditos que deben cursarse correspondense coas materias dos módulos obrigatorios 1 e 2.
- Os 30 seguintes créditos correspóndense co módulo optativo nº 3, e os obrigatorios correspondentes ao TFM e ás prácticas.
- Non será posible defender o TFM sen ter superado previamente as materias obrigatorias, incluíndo as prácticas, asi como, polo menos, 5 materias (15 créditos) optativas.
- A normativa de permanecia da UVigo, establece que os límites de crédito matriculables na modalidade de tempo parcial sitúanse entre os 18 e os 47 créditos.
- Non se poden matricular materias optativas, prácticas nin TFM sen haber matriculado primeiro, ou ter superado xa, un mínimo de 6 materias (18 créditos) dos módulos obrigatorios 1 e 2.
Anexo IV: Formulario de solicitude de matrícula a tempo parcial
Convocatoria adiantada
Os estudantes poderán solicitar o adianto de convocatorias de 2º cuadrimestre para ser avaliadas no 1º cuadrimestre, ata un máximo de 12 ECTS e 2 materias asignadas no plan de estudos ao 2º cuadrimestre. No caso de que tamén queden pendentes algunhas materias do 1º cuadrimestre, o máximo elevarase a 18 ECTS e 3 materias, computando as do 1º cuadrimestre.
Tamén se poderá solicitar o adianto de convocatoria para defender o TFM durante o mes de febreiro.